2023-yil yanvar oyiga ko'ra eng yaxshi ishlaydigan smartfonlar o'ntaligi

Muhammad Yusuf
7838
20.02.2023 16:12

AnTuTu benchmarki jamoasi 2023-yil yanvar oyiga ko'ra eng yaxshi smartfonlar ro'yxatini e'lon qildi. Unga ko'ra, Vivo X90 Pro+ smartfoni 1,283,893 ball bilan top o'nlikning eng birinchi o'rnini egallagan, aniqrog'i saqlab qolgan, chunki smartfon 2022-yil dekabrida ham eng yuqori o'rinda turgan edi. Aytish kerakki, ushbu smartfon Snapdragon 8 Gen 2 va Vivo'ni o'zining V2 chiplarida ishlaydi.

Ehtimol, Snapdragon 8 Gen 2 kuchi bilan shekilli, iQOO 11 ikkinchi o'rinni 1,272,580 ball bilan band qilgan. Ta'kidash joizki, u o'zining Pro modelidan o'zib ketishga muvaffaq bo'lgan.

Top uchlikni Snapdragon 8+ Gen 1 chipida ishlaydigan Legion Y70 geyming smartfoni 1,112,092 ball bilan yakunlaydi. Garchi faqat Xitoyda sotilayotgan bo'lsa ham, u hozirda geyming smartfonlar bozoridagi eng yaxshi tanlovlardan biridir.

Navbatdagi to'rtinchi o'rinni Xiaomi'ning Redmi K50 Ultra smartfoni egallagan bo'lsa, beshinchi o'rin Asus'ning Zenfone 9 smartfoniga tegishli. Ikkala smartfonlar ham Snapdragon 8+ Gen 1 chipida ishlaydi.

Yana bir Xiaomi smartfoni, 200 MP kamerali 12T Pro modeli esa 1,062,046 ball to'plab ro'yxatning oltinchi o'rnidan joy olgan. Undan keyingi o'rinni esa o'tgan yilning oxirgi oyida top o'ntalikka kirolmagan, ammo bu safar 1,048,268 ball bilan buni uddalagan Nubia'ning Red Magic 7 geyming smartfoni egallagan va u Snapdragon 8 Gen 1 chipida ishlaydi.

iQOO Neo 7 ro'yxatdagi Dimensity 9000+ chipi bilan "top 10"ga kira olgan yagona smartfon bo'lib, u sakkizinchi o'rinni egallagan. To'qqizinchi o'rinni esa Samsung buklamafoni, Galaxy Z Fold 4 band qilgan. Xiaomi 12 Pro o'zining Snapdragon 8 Gen 1 chipi orqali olgan 986,518 balli bilan top o'nlikka yakun yasaydi.