Энг зўр флагманларда энг кераксиз ва ҳатто зарарли бир функция бор!
Wccftech экспертлари жорий йилда тақдим этилган флагман смартфонларнинг энг кераксиз функциясини маълум қилишди. У аллақачон Samsung компаниясининг Galaxy S20, Galaxy S20 Plus ҳамда Galaxy S20 Ultra флагманларида пайдо бўлган 8K-видео суратга олиш имкониятидир.
ЎҚИНГ: Ўта қиммат Galaxy S20 Ultra’дан буни ҳеч ким кутмаган эди!
Миш-мишларга кўра, ушбу функция Huawei, Xiaomi ва бошқа хитойлик смартфонсозларнинг навбатдаги флагманлари камерасига ҳам жорий этилади. Мутахассисларга кўра, бу умуман кераксиз имконият бўлиб, ишлаб чиқарувчилар маркетологлар босими остидагина бунга қўл уришмоқда.
Аввало, 8K форматида тасвир узатувчи телевизорлар ҳозирда фақат Японияда кенг тарқалмоқда. Бошқа мамлакатларда 8K-телевизорлар улуши ҳатто 1 фоизга ҳам бормайди; чунки бундай қурилмалар қиммат ва 8K форматидаги контент кам.
Бундан ташқари, 8K форматида видео суратга олиш смартфонга катта юклама солади. Бу жараёнда мобил қурилмалар қизиб кетади, ҳаттоки Samsung флагманлари ҳам. Шу сабабли ҳам ишлаб чиқарувчилар 8K-видео олиш вақтини чеклашга мажбур бўлишган. Масалан, Galaxy S20 туркумидаги смартфонларда атиги беш дақиқалик 8K-видео олиш мумкин. Лекин шу вақтнинг ўзи ҳам уларнинг кучли қизиб кетишига етарли бўлади.
