Фақат Apple'дан эмас, Nothing'дан ҳам кўчиришади!
Баъзида Интернетда айрим хитойлик смартфон ишлаб чиқарувчилари Apple'нинг iPhone смартфонлари нусхаларини сотувга чиқаришгани ҳақида эшитиб қоламиз, лекин купертинолик компания iPhone'лари бошқаларни илҳомлантирадиган ягона смартфонлар эмасга ўхшайди. Барселонада бўлиб ўтаётган MWC 2023 кўргазмасида Nothing компанияси Phone 1 смартфонининг клони намойиш этилди.
Unihertz Luna смартфони худди Nothing Phone 1 каби шаффоф орқа панелга эга ва унинг остида узун LED чироқлар жойлашган. Гарчи мукаммал тарзда функциялашган бўлмаса ҳам, улар турлича рангларда ёниши мумкин.
Unihertz ўзининг Luna смартфони орқа томондаги LED чироқлари жойлашувини шундай тасвирлайди:
Luna орқасидаги минималист чизиқлар думалоқ осмоннинг қадимий шарқона фалсафасидан илҳомланган. Ой Ер атрофида айлана бўйлаб абадий ҳаракат қилади. Худди думалоқ Ой каби жисмоний дунёдаги қолган думалоқ жисмлар ҳам фаолдир.
Apple ҳам четда қолмаган. Unihertz Luna'нинг учлик камера ороли iPhone смартфонларини эслатиб юборади.
caption this pic.twitter.com/ybnE3mCnhR
— Carl Pei (@getpeid) February 27, 2023
Ҳатто Nothing раҳбари Карл Пей ҳам Unihertz'нинг MWC'даги майдонига бориб ўзининг Nothing Phone 1 смартфони ва унинг нусхаси, Luna билан суратга тушди.
Unihertz Luna фақат ташқи кўринишинигина бошқалардан ўзлаштирган. Унинг ички техник хусусиятлари эса умуман бошқача. Қурилма MediaTek'нинг Helio 99 чипсетида 8 ГБ RAM ва 256 ГБ хотира билан ишлайди. Унинг батареяси 5000 мА/соат бўлиб, у 18 Вт тезликда қувватланади. Учлик камера тизими 108 МП асосий, 20МП тунги камера ва 2МП макро камера сенсорларини ўз ичига олади. Экранга келсак, у 6.81 дюйм эканлиги маълум холос. Рақамлар катта бўлгани билан уларнинг сифати қанчалик "катта" эканлиги номаълум.
Қўшимчасига смартфонда Face ID, бармоқ изини сканерлаш, GPS, NFC, инфрақизил нур узатувчи, 3.5 мм наушник уяси мавжуд. Алоқа борасида у иккилик SIM-картани қўллаб-қувватлайди. Смартфон 5G эмас.
Unihertz Luna смартфони март ойида 300 доллардан кўп бўлмаган нархда чиқарилиши кутилмоқда.
ЎҚИНГ: Redmi'нинг янги технологияси смартфонни 0 дан 100% гача атиги 5 дақиқада қувватлайди
