Galaxy Buds+ ning yangicha ko‘rinishdagi rasmlari paydo bo‘ldi
Samsung o‘zining Galaxy Buds+ simsiz quloqchinlarini fevral oyida taqdim qilgan edi. Naushniklar endi yangi — aura ko‘k (Aura Blue) rangida ham chiqariladi.
Bu haqida ishonchli manba — Evan Blass'ga tayanib, GSMArena xabar bermoqda. Blass ulashgan rasmlarni tomosha qiling:
Ayni damda Galaxy Buds+ qora, ko‘k, oq, qizil va pushti ranglarda mavjud. Yangi aura ko‘k rangli quloqchinlar qachon va qaysi bozorlar uchun taqdim qilinishi noma’lum.
Galaxy Buds+ AKG 2-polosali (quyi chastotali dinamik + tviter) karnaylarga ega. Quloqchinning har ikki tomoni 85 mA/soatli, quvvati 11 soat musiqa tinglashga yetadigan akkumulyatorga ega.
Quloqchinlar 150 dollar atrofida turadi.
O‘QING: Butkul simsiz Galaxy Buds+ quloqchini namoyish qilindi (+videotavsif)
