Huawei ромдан бутунлай холи смартфонни тайёрламоқда
Huawei’нинг Итсеъмолчилар билан ишлаш бўлинмаси директори Ю Чэндун компания экран атрофи ромдан бутунлай холи бўлган смартфон тайёрлаётгани тўғрисида маълумот беди.
2016 йил якунида Huawei Honor Magic телефон аппаратини эълон қилган эди. Мазкур смартфон дисплейининг ёнлари рамкасиз дизайнда ишланган ва экран икки ёнга қайрилган кўринишда. Диагонали 5,09 дюйм бўлган экран QHD сиғимли (2560 × 1440 пикселли).
Маълум қилинишича, лойиҳалаштирилаётган янги смартфон дисплейининг нафақат ён томонлари, балки юқори ва қуйи қисми ҳам рамкасиз бўлади. Компания смартфон олд панели фақатгина экрандан иборат бўлишини айтмоқда. Huawei фойдаланувчилар интерфейсини қайта ишлаш, жумладан уни батамом рамкасиз экранга мослаштириш устида бош қотирмоқда. Ҳозирча бу мобиль алоқа воситасининг намойиш вақти хусусида ҳеч нима дейилмаган.
Эслатиб ўтамиз, 2016 йилда Huawei смартфон бозорида 139 миллион дона смартфон сотган. Гарчи, бу 2015 йилда 108 млн дона смартфон сотган компания учун рекорд натижа бўлса ҳам, унинг халқаро смартфон бозоридаги улуши компания кутганчалик бўлмади.
