Нима сабабдан компютер секин ишлаши мумкин
Кўп ҳолларда ИТ соҳасига энди қадам қўйганлар, компютерда созлаш ишларини амалга оширишга вақт топа олмайдиганлар ёки компютерни мониторинг қилишни билмайдиганлар ва шунга ўхшаш компютер фойдаланувчилари, ўз компютерларини ишлашидан норози бўлишади ва ҳар хил саволлар бера бошлашади. Нимага компютерим секин ишламоқда? Бир неча кун олдин компютерим жуда тез ишлаётган эди, кейин секинлашиб қолди?
Бугун компютерни ёқсам жуда секин ишламоқда, нимага? каби саволлар кўпаяди.
Мақолада, компютерни секинлашишига олиб келувчи сабаблар келтириб ўтилади, агар бу сабабларни яхшилаб англаб, ҳосил бўлган муаммоларни еча олсангиз, ўзингиз компютер ишлашини тезлаштиришингиз мумкин бўлади, акс ҳолда, кейинги мақолани кутишингизни маслаҳат бераман.
Демак қуйидаги сабаблар, компютер ишлашини секинлаштириши мумкин бўлади:
1. Процессор, мост, видеокарта ва шунга ўхшаш тизим блоки ичидаги элементларнинг ҳарорати кўтарилиши(температура).
2. Компютер рейестрида ахлатлар(керакмас файллар)нинг тўпланиб қолиши.
3. Оператив хотиранинг(OZU, RAM)йетишмаслиги.
4. «Файл подкачки«даги хотиранинг етишмаслиги.
5. «Автозапуск«бўлимида, ишга тушириладиган дастурларнинг кўплиги.
6. Операцион тизим ўрнатилган диск ҳажмининг камайиб кетиши(одатда C диск).
7. Операцион тизим ишини секинлаштирувчи вирус мавжудлиги.
8. Кўп маротаба файлларни ёзиб ўчириш натижасида(дастурларни ўрнатиш, ўчириш ҳолатлари).
9. Процессор частоталарини максимал ишлатиш(қандайдир фонда ишлайдиган дастурларни ишлаши).
10. Тизим блоки элементларини чанг ёпиб қолиши, озодаликка эътибор бермаслик.
11. Бир неча антивируслардан фойдаланиш.
12. Компютер элементларининг бир қисми ишдан чиқиши натижасида(мисол учун, битта оператив хотирани бузилиши).
13. Компютер физик жиҳатдан эскирган(комптернинг анча йиллардан бери ишлаши(мисол учун, 6 йил)).
14. Интернет орқали бирор дастурни янгиланиб туриши(обновления), сиз билмаслигингиз мумкин.
15. Винчестер ўқиш ва ёзиш тезлигининг пастроқлиги ёки винчестерлар RAID1 технологияси асосида клонланганлиги, бунда битта ахборот иккита винчестерга ёзилади ва бироз секинлашиши мумкин(бу оддий уй шароитида бўлмайди).
Манба: ITportal.uz
