Samsung иккинчи букламафонини видеода кўрсатди: бу сизга Galaxy Fold эмас!
Жанубий кореялик техногигант Galaxy Fold букилувчан смартфонини бир қатор машмашалардан сўнг самарали сотмоқда. Samsung Developer Conference 2019 кўргазмасида компания унинг иккинчи авлоди концептини намойиш этди.
ЎҚИНГ: Samsung ҳар икки томонига букиладиган иккинчи букламафонини ноябрдаёқ кўрсатади!
Galaxy Fold 2 модели худди Motorola RAZR сингари «раскладушка» тарзида – тиккасига букланади. Йиғилган ҳолатида у жуда ихчам, ёйилганида эса бошқа смартфонларга нисбатан анча чўзинчоқ кўринади. Унинг экранида ҳам қайишқоқ AMOLED-матрица қўлланади, лекин бу гал букилиш радиуси бироз кичик қилиняпти. Смартфон букилганида экраннинг икки қисми бир-бирига тегиб туради, оралиқ қолмагани сабабли у ерга турли майда зарралар кириб дисплейни тирнамайди.
Компаниянинг биринчи букламафони – Galaxy Fold смартфон ва планшетнинг гибриди бўлса, иккинчи қурилмаси умуман янгича конструкцияга эга. Мана, уни Samsung тайёрлаган видеода кўрамиз:
Samsung ҳозирча бу смартфоннинг концептинигина тайёрлаган, у иккинчи авлод Galaxy Fold ҳақида умумий маълумотлар беради, холос. Бироқ унинг умуман моддий тугмачаси йўқлиги, селфи-камера эса экраннинг ўзига жорий этилганлиги қизиқ барибир.
Жанубий кореяликлар Galaxy Fold 2 моделини 2020 йилда расман намойиш этиши кутилмоқда, аммо тақдимот санаси ва нархи ҳақида аниқроқ маълумот йўқ. Terashop.uz интернет-дўконимизда эса турли русумлардаги Samsung телефонларини атиги 705 000 сўмдан бошланган нархларда харид қилиш мумкин.
