Уяли алоқа оператори коронавирус сабабли бир қатор сайтларга киришни бепул қилди!
Beeline алоқа оператори 18 мартдан бошлаб қатор янгиликлар сайтларидан фойдаланишда абонентлардан интернет-тўлови олмасликка қарор қилди. Бу хусусда компания ўз расмий сайтида баёнот берган.
ЎҚИНГ: Beeline: интернет-трафик энди куймасдан, кейинги ойга ўтади
«Сизлар COVID-19 коронавирусининг тарқалиши ҳақида йирик ва ишончли манбалардан тезкор ва, энг муҳими, расмий маълумотларни олишингизни истаймиз», – дейилади унда.
Ўзбекистондаги Билайн абонентлари учун қуйидаги сайтларга кириш нархланмайди ва интернет-трафик учун ҳақ олинмайди:
- «Дарё»;
- «Gazeta.uz»;
- «Kun.uz»;
- «UzNews.uz»;
- «Podrobno.uz».
Бепул кириш маълум IP-манзиллар тўпламида тақдим этилади. Бепул кириш таъминланган манбаларнинг IP-манзиллари ўзгартирилганда, шунингдек кўрсатилган сайтлар ва иловаларга кирмайдиган трафик учун (учинчи томон хизматлари ва иловаларни ишлатишда пайдо бўладиган смартфон операцион тизимидаги трафик) ўзгартирилганда, тариф режага биноан ёки асосий балансдан ушбу манбаларга кириш учун тўлов олинади.
Прокси-сервер (шу жумладан VPN) орқали ишлайдиган сайтлар ва дастурларга киришда бепул кириш тақдим этилмайди.
