Ўзбекистонда симли ва мобил интернетни кенгайтиришга ZTE ёрдам беради
Жорий йилнинг 2 ноябрь куни Ахборот технологиялари ва коммуникацияларини ривожлантириш вазири Шуҳрат Содиқовнинг Хитойнинг ZTE Corporation катта вице-президенти Чжунхуа Мей билан учрашуви бўлиб ўтди. Бу ҳақда вазирликнинг Ахборот хизмати хабар бермоқда.
ЎҚИНГ: ZTE энди Ўзбекистондаги операторлар билан яқиндан ҳамкорлик қилади
Ушбу учрашувда Ўзбекистон Республикаси ахборот технологиялари ва коммуникацияларини ривожлантириш вазирлиги ва ZTE Corporation ўртасида англашув меморандуми имзоланди.
Мазкур учрашув узоқ йиллар мобайнида томонлар ўртасида амалга ошириб келинаётган музокараларнинг давоми ҳисобланади.
Вазир меҳмонни қутлар экан, Хитойнинг етакчи технологик компанияларининг Ўзбекистон бозоридаги фаол иштироки мамлакатларимиз ўртасидаги самарали ҳамкорлик ҳамда республикамизда қулай инвестиция муҳити яратилгани натижаси эканини таъкидлади.
Симли ва мобил кенг полосали уланиш (Интернет) тармоқларини кенгайтиришнинг истиқболлари муҳокамаларнинг марказий мавзусига айланди. Шунингдек, кадрлар тайёрлаш ва соҳа мутахассислари малакасини ошириш бўйича ҳам фикр алмашилди.
ЎҚИНГ: Интернет тезлиги нега кўрсатилганидан паст? «Ўзбектелеком» расман изоҳ берди!
ZTE корпорациясининг катта вице-президенти компания Ўзбекистонда ўз фаолиятини янада фаоллаштиришга тайёр эканини билдирди.
Вазирлик томонидан ҳам замонавий ва талаб юқори бўлган телекоммуникация хизматларини кўрсатиш учун энг янги технологияларни жорий этиш юзасидан ҳамкорликдаги инвестиция лойиҳаларини амалга оширишда ZTE корпорациясининг Ўзбекистондаги телекоммуникация операторлари билан яқиндан ҳамкорлик қилиши қўллаб-қувватланиши маълум қилинди.
ЎҚИНГ: АКТ вазири Alibaba билан ҳамкорлик истиқболларини муҳокама қилди
