Твитларни ўқишга қўйилаётган чеклов фонида Twitter рақобатчилари «семиришмоқда»
Кеча, шанба куни Илон Маск ўзининг Twitter ижтимоий тармоғида постларни кўришга чекловлар ўрнатилишини эълон қилди. Бунга миллиардернинг баҳонаси ҳам тайёр: сунъий интеллект компаниялари катта ҳажмдаги маълумотларни платформадан "қириб олишмоқда" ва бу реал фойдаланувчилар тажрибасига ҳалақит қилмоқда.
Шундай қилиб, эндиликда сиз Twitter'да шунчаки постларни кўриш учун аввало аккаунтга эга бўлишингиз, агар аккаунтингиз янги очилган бўлса кунига 500 тагача, акс ҳолда кунига 1000 тагача, Twitter Blue пуллик обунаси билан эса кунига 10 мингтагача твитларни ўқиш имкониятига эгасиз. Аввалроқ Илон Маск ушбу кўрсаткичларни 400/800/8000, бундан ҳам аввалроқ эса 300/600/6000 бўлишини айтган эди.
Нов то 10к, 1к & 0.5к
— Элон Муск (@элонмуск) Жулй 1, 2023
Таъкидлаш жоизки, олдинлари фойдаланувчилар твитларни Twitter аккаунтлари бўлмаса ҳам кўриш имконига эга эдилар. Бироқ, твитларни кўришга бўлган чекловлар ўрнатилишидан бир кун аввал Twitter унда рўйхатдан ўтмаган фойдаланувчиларни постларни кўришдан блоклашни бошлади. Бунга асосий
«Бир неча юзлаб ташкилотлар (эҳтимол, кўпроқ) Twitter маълумотларини ўта агрессив тарзда қириб олишаётган» ва бу реал фойдаланувчи тажрибасига таъсир қилаётган эди. Буни тўхтатиш учун нима қилишимиз керак? Мен фикрларингизни эшитишингизга тайёрман.", – дейди Илон Маск твитларга ўрнатилган чекловларга норозилик билдираётган фойдаланувчига жавобан.
Twitter'га ўрнатилаётган янги чекловлар фонида унинг рақобатчилари шу қадар кўп "мигрантлар"ни қабул қилишяптики, улардан бири янги фойдаланувчилар оқимини «эплай олмаяпти» – Twitter'га ўхшаш Bluesky ижтимоий тармоғи платформа ишлашида юзага келаётган муаммоларни ҳал қилиш учун рўйхатдан ўтишни вақтинчалик тўхтатиб туришини эълон қилган. Таъкидлаш жоизки, Twitter'нинг собиқ раҳбари, Жек Дорси томонидан яратилган ушбу марказлаштирилмаган ижтимоий тармоқ ҳозирда бета версияда.
Mastodon номли яна бир Twitter рақобатчиси ҳам шу кунларда «бир қоп семирган». Маълум бўлишича, платформа сўнгги кунда 26 мингдан янги обуначиларни қабул қилган.
