Android смартфонларни Harmony ОТга ўтказишга қанча вақт кетиши айтилди
Ниҳоят, бугун Хитойда Huawei компанияси Harmony операцион тизимини расман намойиш қилди. Намойиш сўнгида Huawei директори Ю Чендун Harmony OS’ни смартфонларга ўрнатиш борасида ҳам гапириб ўтди.
"Менга жуда кўп бора Harmony ОТни смартфонларда ишлатиш мумкинми, дея саволлар келмоқда. Албатта, биз Harmony ОТни исталган вақтда ишга туширишимиз мумкин. Агар қурилмада Android тизими ўрнатилган бўлса ҳам, биз уни 1-2 кун ичида Harmony OS’га ўзгартира оламиз", дея ўз фикрларини билдирган компания раҳбари.
HarmonyOS has just been announced at #HDC2019! How are we going to build an all-scenario smart ecosystem and experience? How will we overcome the challenges of future OS for connected things? Stayed tuned with us to find out. pic.twitter.com/x7ZbgcEy2d
— Huawei Mobile (@HuaweiMobile) August 9, 2019
Шундай экан, агар АҚШ яна Хитойга қарши санкцияларни кучайтирадиган бўлса, Huawei бир неча кун ичида барча смартфонларни Harmony ОТга ўзгартира олади. Албатта, бундай алмашинишнинг техник томонлари сўроқ остида қолмоқда, аммо Huawei компанияси мустақиллик сари (Google ва АҚШга қарамлик нуқтаи назаридан) дадил қадамини ташлади дейиш мумкин.
ЎҚИНГ: Ниҳоят, HongMeng операцион тизимли илк гаджет намойиш этилди!
