Олимлар батарея ўрнини босувчи қоғоз яратишди
Швециядаги Линчепинг институти органик электроника лабораторияси олимлари батарея ўрнини босувчи қоғоз яратишганини маълум қилишди. Ихтирочиларнинг батарея-қоғози заряд йиғади ва бир муддат сақлайди.
Швед олимлари айтишича, бу қоғоз қалинлиги бир неча миллиметрни ташкил қилади. Материалнинг ноёблиги шундаки, тўпланган 1 Фарад сиғимдаги электр энергияси ион конденсаторлар учун катта кўрсаткичдир. Батарея-қоғоз икки варақ целлюлоза пленкаси ва нанотрубкадан иборат, улар орасида рух оксиди асосли композит (бир жинсли бўлмаган сунъий материал) бор.
