Яхши смартфонлар эди: Galaxy S10 сериясининг даври ўтди
Ўтган йили Samsung компанияси ўзининг Galaxy смартфонлари учун Android янгиланишларини етказиб беришга оид янги қоидаларни ўрнатди. Унга кўра, компания энди ўз флагманларини тўлиқ 5 йиллик хавфсизлик янгиланишлари ва тўрт йиллик дастурий таъминот янгиланишлари билан таъминлайди. Афсуски, ушбу янги қоида фақат Galaxy S21 сериясидан бошлаб амал қилади. Ундан аввалги флагманлар эса бундан мустасно. Худди шундай эски қоидалар бўйича чиқарилган Galaxy S10 сериясидаги смартфонларнинг поймоли тўлди.
Ҳа, Жанубий Корея компанияси ўзининг энг оммабоп флагман смартфонлари Galaxy S10 қаторини жорий йилдан бошлаб янгиланишлар билан қўллаб-қувватланишни тўхтатмоқда. Маълум бўлишича, 2019 йилда чиқарилган Galaxy S10, Galaxy S10+ ва Galaxy S10e смартфонлари компаниянинг сўнгги хавфсизлик янгиланиши жадвалидан тушириб қолдирилган. Смартфон эгалари сўнгги янгиланиш сифатида март ойи хавфсизлигини қабул қилиб олишган.
Гарчи Galaxy S10 линиясида чиқарилган бўлса, ҳам Galaxy S10 5G ва Galaxy S10 Lite моделлари ҳозирча чораклик хавфсизлик янгиланишларини қабул қилиб туришади, чунки улар бироз кейинроқ чиқарилган.
Galaxy S10 серияси билан бирга Samsung ўзининг Galaxy А серияси илк авлодларидан бўлмиш, Galaxy А30 ва Galaxy А50 моделларини ҳам қўллаб-қувватлашни тўхтатмоқда. Уларнинг иккаласи ҳам 2019 йилда Android 9 билан чиқарилган эди.
