O‘zbekistonda Galaxy Z Flip 5 va Galaxy Z Fold 5 buklmafonlarining rasmiy sotuvlari boshlandi

Muhammad Yusuf
1383
26.08.2023 11:29

O‘tgan oy oxirida Samsung kompaniyasi o‘zining yildagi eng katta tadbirlaridan birini o‘tkazib, unda Flip va Fold buklanadigan smartfonlarining yangi avlodini namoyish qilgan edi. Taqdimotdan bir oy o‘tgach ushbu yangi buklamafonlarning endi O‘zbekistonda ham rasmiy sotuvlari boshlanganligi e’lon qilindi.

Galaxy Z Flip 5

Samsung raqobatchilari joriy yil o‘zlarining vertikal buklanadigan smartfonlari sezilarli darajada katta orqa displeylar bilan taqdim qilishdi. Janubiy Koreya kompaniyasi ham trenddan qolmasligi aniq edi – Galaxy Z Flip 5 kompaniyaning javobi bo‘ldi.

Garchi uning orqa displeyi Moto Razr+'niki kabi orqa tomonining bir qismini to‘liq egallamagan bo‘lsa ham, u o‘tgan yilgi Flip'nikidan ancha katta: 3.4 dyuym va endi u ham ilovalarni to‘liq ishga tushirishni qo‘llab-quvvatlaydi. Kutilganidek, Flip 5'ning orqa ekrani kompyuter papkasi ikonkasini eslatib yuboradi va ushbu ekran dizayni orqa kameralar joylashuviga ham ta’sir qilgan, ya’ni endi ular gorizontal joylashgan.

Sezilarli o‘zgarishlarning yana biri yangi oshiq-moshiq dizayni bo‘lib, bu endi Galaxy Z Flip 5 ham bo‘shliqlarsiz to‘liq buklanishiga imkon beradi. Buklamafonning texnik xususiyatlari va narxlari bilan quyida tanishishingiz mumkin:

Galaxy Z Flip 5
O‘lchamlari	Buklanmaganida: 165.1×71.9×6.9 mm Buklangan holatida: 85.1×71.9×15.1 mm
Og‘irligi	187 gramm
Ekran o‘lchamlari	Ichki asosiy ekran: 6.7 dyuym Tashqi ekran: 3.4 dyuym
Ichki asosiy ekran xususiyatlari	Turi: Dynamic AMOLED 2X Yangilanish tezligi: 120 gers Maksimal yorqinligi: 1750 nit Rezolyusiyasi: 1080×2640 (FHD+)
Tashqi ekran xususiyatlari	Turi: Super AMOLED Rezolyusiyasi: 720×748
Orqa kameralari:	Asosiysi: 12 MP (f/1.8), OIS Ultra-keng: 12 MP (f/2.2), 123˚
Selfi kamerasi:	10 MP (f/2.2)
Qurilma chidamliligi:	IPX8 (1.5 metrgacha chuqurlikdagi suvda 30 daqiqagacha chidamli) Zirhli alyuminiy ramka Ekranlar Gorilla Glass Victus 2 bilan himoyalangan Orqasi shisha
Chipset	Snapdragon 8 Gen 2 ("Galaxy uchun" versiyasi)
Operativ xotirasi	8 GB
Doimiy xotirasi	256/512 GB (UFS 4.0) Micro SD karta uchun joy mavjud emas
Operatsion tizimi	One UI 5.1.1 (Android 13)
Batareya & Quvvatlanish	3700 mA/s 25 Vt simli zaryadlanish (30 daqiqada 50%) 15 Vt simsiz zaryadlanish 4.5 Vt tezlikda boshqa qurilmalarga quvvat berish
Ulanish & Aloqa	5G (SIM-karta & eSIM) Wi-Fi 6e Bluetooth 5.3 NFC USB Type-C 3.2 Infraqizil nur uzatish xususiyati mavjud emas Radio xususiyati mavjud emas Naushnik uchun 3.5 mm uya mavjud emas
Barmoq izi skaneri	bor, yon tomonida
Narxi
Xotira konfiguratsiyasi: 8/256 GB (yalpiz rang, kulrang, pushti, qaymoqrang)	12 999 000 so‘m (radius.uz do‘konida)
Xotira konfiguratsiyasi: 8/512 GB (yalpiz rang, pushti, qaymoqrang)	13 999 000 so‘m (radius.uz do‘konida)
Qutida: smartfon, kabel, SIM-karta slotini chiqarish uchun igna va qo‘llanma

Galaxy Z Fold 5

Galaxy Z Fold 5 deyarli o‘zgarmagan, lekin u ham kichik bo‘lsada yaxshilanishlarga ega. Sezilarli o‘zgarishlardan biri bu yangilangan oshiq-moshiq dizayni yoxud Fold 5 ham xuddi Flip 5 kabi to‘liq buklanadi va ichki ekranlar orasida bo‘sh joy qolmaydi.

Bu bilan qurilma 13.4 mm qalinklikda o‘tgan yilgisiga nisbatan (14.2 mm) ingichkalashgan. Bundan tashqari mitti o‘zgarish haqida ham aytib o‘tishimiz mumkin: kameralarga yordamchi LED chirog‘i endi ularning ostida emas, yoniga ko‘chirilgan, xuddi Galaxy S23 smartfonlarida bo‘lgani kabi.

Galaxy Z Fold 5 texnik xususiyatlari va narxi quyidagicha:

Galaxy Z Fold 5
O‘lchamlari	Buklanmaganida: 154.9×129.9×6.1 mm Buklangan holatida: 154.9×67.1×13.4 mm
Og‘irligi	253 gramm
Ekran o‘lchamlari	Ichki asosiy ekran: 7.6 dyuym Tashqi ekran: 6.2 dyuym
Ichki asosiy ekran xususiyatlari	Turi: Dynamic AMOLED 2X Yangilanish tezligi: 120 gers Maksimal yorqinligi: 1750 nit Rezolyusiyasi: 1812×2176 (FHD+)
Tashqi ekran xususiyatlari	Turi: Dynamic AMOLED 2X Rezolyusiyasi: 904×2316
Orqa kameralari:	Asosiysi: 50 MP (f/1.8), OIS Telefoto: 10 MP (f/2.4), 3× optik zum Ultra-keng: 12 MP (f/2.2), 123˚
Ekran ostida joylashgan ichki selfi kamera	4 MP (f/1.8)
Tashqi ekranda joylashgan selfi kamera	10 MP (f/2.2)
Qurilma chidamliligi:	IPX8 (1.5 metrgacha chuqurlikdagi suvda 30 daqiqagacha chidamli) Zirhli alyuminiy ramka Ekranlar Gorilla Glass Victus 2 bilan himoyalangan Orqasi shisha
Chipset	Snapdragon 8 Gen 2 ("Galaxy uchun" versiyasi)
Operativ xotirasi	12 GB
Doimiy xotirasi	256/512 GB, 1 TB (UFS 4.0) Micro SD karta uchun joy mavjud emas
Operativ xotirasi	One UI 5.1.1 (Android 13)
Batareya & Quvvatlanish	4400 mA/s 25 Vt simli zaryadlanish (30 daqiqada 50%) 15 Vt simsiz zaryadlanish 4.5 Vt tezlikda boshqa qurilmalarga quvvat berish
Ulanish & Aloqa	5G (SIM-karta & eSIM) Wi-Fi 6e Bluetooth 5.3 NFC USB Type-C 3.2 Infraqizil nur uzatish xususiyati mavjud emas Radio xususiyati mavjud emas Naushnik uchun 3.5 mm uya mavjud emas
Qo‘shimcha xususiyatlari	barmo izi skaneri (yon tomonida) Stilus, Samsung DeX, Ultra Wideband qo‘llab-quvvatlanishi
Narxi
Xotira konfiguratsiyasi: 12/256 GB (havorang, qaymoqrang)	20 999 000 so‘m (radius.uz do‘konida)
Xotira konfiguratsiyasi: 12/512 GB (havorang, qora, qaymoqrang)	22 999 000 so‘m (radius.uz do‘konida)
Xotira konfiguratsiyasi: 12 GB/1 TB (havorang, qora, qaymoqrang)	24 999 000 so‘m (radius.uz do‘konida)
Qutida: smartfon, kabel, SIM-karta slotini chiqarish uchun igna va qo‘llanma