iPhone 7’нинг илк сифатли суратлари эълон қилинди
Таниқли инсайдер, Apple маҳсулотлари бўйича мутахассис Сонни Диксон ўзининг Twitter тармоғидаги саҳифасида “Олма” корпорациясининг ҳали тақдим этилмаган – iPhone 7 флагманининг юқори сифатли суратларини эълон қилди. Суратларда базавий iPhone 7 ва унинг такомиллаштирилган талқини – iPhone 7 Pro намойиш этилган. iPhone 7 Pro’да бош камера қўш объективли.
Сўнгги маротаба мазкур смартфон ўрин олган видеода кўк рангли iPhone 7 намойиш этилган бўлса, мазкур суратларда флагманнинг пушти корпусли талқини ўрин олган.
Кўриб турганимиздек, орқа панелдаги антеннани ёпиб турувчи пластик чизиқ яна ҳам юқорига, том қисмига сурилган. Корпусда 3,5 мм аудио-коннектор йўқ. Унинг ўрнига динамик ўрнатилган. iPhone 7 каттароқ ҳажмдаги камерага эга бўлган. iPhone 7 Pro 2 та бош камера билан таъминланган.
Аммо бу суратларда аввалгиларидаги каби, Smart Connector порти мавжуд эмас.