Ўзбекистонда Xiaomi 13T серияси тақдим қилинди!
Жорий йилнинг 27 сентябрь куни Тошкентда ўзининг ижодкорлигини намоён этишни истаган харидорлар учун янги Xiaomi 13T серияли смартфонларига олдиндан буюртмалар олиш бошланди. Ушбу янги серия илғор иш фаолиятини оптималлаштириш архитектураси, узоқ вақтга мўлжалланган батарея қуввати ва кристалл тиниқ дисплейи билан суратга олиш, видео кўриш ёки кундалик фойдаланиш учун беқиёс тажрибани тақдим этади.
Профессионал камера билан ўз шедевр асарингизни яратинг
Смартфон фойдаланувчиларининг юқори талабларига жавоб берадиган Xiaomi 13T Pro ва Xiaomi 13T Summicron обьективлари ўрнатилган учта камера билан профессионал суратга олишни таъминлайди. Буларга 24 мм эквивалент фокус узунлигига эга 50 мегапикселли кенг бурчакли камера ва кўпроқ ёруғликни таъминлаш, юқори динамик диапазонда суратга олиш учун 7P асферик линза ва 50 мм эквивалент фокус узунлигига эга 50 мегапикселли телеобьектив камера киради. 15 мм эквивалент фокус узунлигига эга 12 мегапикселли ультра кенг бурчакли камера панорамали суратлар ва ажойиб манзараларни суратга олиш учун идеал. 100% DCI-P3 туфайли Xiaomi 13Т Про ва Xiaomi 13Т камералари кенгроқ ранг диапазонига эга бўлиб, ҳар бир сеҳрли лаҳзани суратга олиш имконини беради.
Xiaomi 13Т серияси биринчи марта Xiaomi 13 Ультра’да тақдим этилган Pro режимида мослаштирилган фото функциясини тақдим этади. Бу сизга олдиндан ишлаб чиқариш жараёнида уйғунлик ва текстурани созлаш имконини яратиб, кейинги гал учун ўша сифатни ва рангни сақлаб туради. Бу билан сиз ўз шахсий фото-услубингизни яратиш ва уни олдиндан созламаларда сақлаб қўйишингизга имкон беради.
Xiaomi 13T смартфонлар сериясидаги Xiaomi ProFocus технологияси ўрнатилган камера билан ўта тез ҳаракатланувчи жониворлар: итлар, қушларни ҳам яқиндан суратга олиш, олисдаги одамлар ёки жойларнинг тасвирини ҳайратланарли тафсилотлар билан олиш мумкин.
Видеотасвирга олишнинг кутилмаган янги имкониятлари
Xiaomi 13Т Pro билан видеотасвирга олиш ҳақидаги орзуингиз амалга ошади. Ранг ва тафсилотлар борасида ҳеч қачон кўрилмаган бошқарувни таклиф қилувчи LOG 4:2:0 H.265 видеоёзуви дунёсини синаб кўринг. Олдиндан ўрнатилган Rec.709 LUT видеоларингизга профессионал сеҳр қўшиб, рангларнинг ажабтовур аниқлиги ва визуал тиниқликни таъминлайди.
Xiaomi ақлли қурилмаларида персоналлаштириш ҳар доим алоҳида ўрин тутади ва Xiaomi 13Т Pro ҳам сизга ўзгача қарашларингизни ифода этиш эркинлигини беришга мўлжалланган. Севимли LUT услубингизни қурилмангизга импорт қилинг ва видеоларингизга ўз шахсий услубингизни қўшинг. Бундан ташқари, Xiaomi 13 Pro 8К форматида видео суратга олиш имкониятига эга, шунинг учун ҳар бир саҳна, ҳар бир кўриниш, видеонинг ҳар бир детали киноматография сифатида суратга олинади. 50 мегапикселли кенг бурчакли камера OIS ва EIS’ни қўллаб-қувватлайди, бу билан эса видеоларингиз ҳаракатланаётганда ҳам барқарор текис сақланади.
Xiaomi 13Т'нинг орқа камералари барча фокус масофаларида 4К видео ёзишга мослашган, шунингдек, видеоларни тез ва самарали таҳрирлаш ҳам мумкин. Pro режимида «Фотожамланма» иловасидаги «Видео муҳаррири» функцияси сарлавҳалар ва қўшимча аудио трекларни осонгина таҳрирлаш имконини беради, бу ижтимоий медиа платформалари ёки шахсий влоглар учун қисқа видеолар яратиш учун жуда қулай.
Аудио ва видеоконтентга шўнғиш
Xiaomi 13Т Pro ва Xiaomi 13Т юқори қувват тежамкорлик функциялари ва батареянинг узоқ ишлаш муддатига эга бўлиб, фойдаланувчиларга тезкор ва самарали смартфон билан қулайликни яратади.
Xiaomi 13Т Pro 3,35 гигагерцли тезликка эга саккиз ядроли тез процессорга эга MediaTek Dimensity 9200+ чипсетидан қувватланади. Шунингдек, у Arm Immortalis-G715 график процессорига эга бўлиб, у ўйинларда қотмаслик ва муросасиз батарея қуввати учун тасвирни қайта ишлашни яхшилайди. Xiaomi 13Т MediaTek Dimensity 8200-Ultra процессорига эга бўлиб, процессор ва CPU иш фаолиятини яхшилаш учун TSMC’нинг энг сўнгги технологик функциясидан фойдаланган ҳолда юқори қувват самарадорлиги учун мўлжалланган. Xiaomi 13Т’нинг қизиб кетмаслиги 5000 мм қалинликдаги ВC зангламайдиган пўлатдан ясалган пластинка билан таъминланади.
Xiaomi 13Т Pro смартфони қурилмани атиги 19 дақиқада 100% қувватлантириш имконини берувчи Xiaomi 120W HyperCharge функциясига эга. Иккала қурилма ҳам тез зарядлаш билан жиҳозланган: атиги 5 дақиқада Xiaomi 13Т Pro 36% ва Xiaomi 13Т 21% қувватга эга бўлади. ISP (Internal Shortage Precaution), SOA (Safety Operating Area), DTPT (Dynamic Turbo Power Technology) технологияларига эга Xiaomi 13Т серияси катта 5000 мАч батареядан хавфсиз фойдаланишни таъминлайди.
IP68 сув ва чангдан ҳимояланган замонавий дизайн
Xiaomi 13 сериясининг классик дизайн услубига эга Xiaomi 13 Pro ва Xiaomi 13Т учта рангда сотувга чиқарилди: кўк, яшил ва қора. Кўк рангдаги моделнинг орқа панели юмшоқ ва нозик текстурали юқори сифатли Xiaomi BioComfort экологик чарм билан безатилган бўлиб, уни қўлингизда ушлаб туриш жуда қулай. Яшил ва қора рангдаги моделларнинг орқа панели, аксинча, порлоқ шишадан ясалган бўлиб, унга нафислик ва ҳашамат беради. Иккала смартфон ҳам мустаҳкам, сув ва чангга чидамлилиги учун IP68 даражага эга. Ушбу жозибали ва бардошли смартфонлардан ҳаётнинг ҳар бир ҳаяжонли лаҳзасини суратга олиш, томоша қилиш ва ўзингизни янгидан кашф этиш мумкин.
Нархлар ва совғалар ҳақида
27 сентябрдан бошлаб Ўзбекистонда Xiaomi 13Т Pro ва Xiaomi 13Т’ни олдиндан буюртма қилиш мумкин. Смартфонлар 4 октябрдан сотувга чиқарилади, 15 октябрга қадар Xiaomi 13Т Pro ёки Xiaomi 13Т харидорларига Xiaomi Watch S1 Active ақлли соати ҳам совға қилинади.
Бундан ташқари, Xiaomi 13Т ва Xiaomi 13Т Pro харид қилганда премиум-кафолатларга эга бўласиз. Мижозларга 24 ойлик кафолат, сотиб олинган кундан бошлаб 6 ой ичида битта бепул экран алмаштириш, 12 ой ичида бир марта кафолатсиз таъмирлаш хизматлари тақдим этилади. Сотиб олинган санадан бошлаб, таъмирлаш вақтида смартфон алмаштирилганда хизмат кўрсатиш учун махсус телефон линияси йўлга қўйилади.
Тақдимотда нархлар маълум қилинмаган. Аммо Xiaomi 13Т модели 550$, Xiaomi 13Т Pro эса 690 доллардан бошлаб сотилиши тахмин қилинмоқда.
Смартфонлар билан яқиндан танишиш учун: Серия Xiaomi 13T.
