M3 процессорли Macbook Pro ва iMac тақдим этилди
Компютерлар 8 дан 16 ядроли процессорга эга сўнгги М3 оиласининг чиплари билан жиҳозланган. Олдиндан буюртмалар очилган бўлиб, улар 7 ноябрдан расталарга чиқарилади.
Apple янги М3 оиласи процессорларининг янги линейкасини ҳам тақдим этди — M3, M3 Pro ва M3 Мах. Замонавий график архитектура ва тезроқ процессор билан MacBook Pro янада кучлироқ бўлди.
Apple ноутбукларининг янги оиласида асосий модел М3 процессор билан жиҳозланган 14 дюймли MacBook Pro ҳисобланади. Бу қаторга М3 Мах флагман чипига эга 14 ва 16 дюймли MacBook Pro'лар ҳам киради. Барча моделлар Liqued Retina XDR дисплей билан жиҳозланган, бу аввалги экрандан 20% ёрқинроқ. Ноутбукларда ўрнатилган 1080p FaceTime камераси ва олти каналли динамик тизими мавжуд.
ЎҚИНГ: Apple расман Watch Series 9 ва Watch Ultra 2 соатларини тақдим қилди!
М3, М3 Pro va M3 Max
М3 процессорлари 3 нанометрли технология ёрдамида яратилган шахсий компютерлар учун биринчи чиплардир, дейди Apple. М3 унумдорлиги М1 дан 35% гача, 10 ядроли GPU унумдорлиги 65% гача юқори. 24 ГБ гача бирлаштирилган хотирани қўллаб-қувватлайди.
M3 Pro график самарадорлиги M1 Pro'га қараганда 40% гача, процессор унумдорлиги 30% гача тезроқ. Хотира ҳажми: 36 ГБ гача. М3 Мах нинг 40 ядроли график чипи М1 Мах дан 50% гача тезроқ. 80% гача юқори унумдорлик, 128 ГБ гача эстродиол хотирани қўллаб-қувватлайди.
MacBook Pro
Барча ноутбукларнинг дисплейи Liquid Retina XDR, ёрқинлиги 1000 нит. Қурилмалар 1080p аниқликдаги камера, Spatial Audio ва Dolby Atmos’ни қўллаб-қувватловчи олтита динамик ва учта микрофон билан жиҳозланган.
М3'даги 14 дюймли MacBook Pro аввалги моделлар дизайнига амал қилади, дея қайд этади The Verge. Ноутбук космик кулранг ва кумуш рангларда мавжуд. Видеони ижро этиш режимида батарея қуввати 22 соатгача.
ЎҚИНГ: AppleGPT – ChatGPT қотили!
M3 Pro ёки М3 Мах процессорли MacBook Pro 14 дюйм ва 16 дюймли дисплей ўлчамларида мавжуд. Қурилмалар бир хил дизайнни сақлаб қолган, аммо энди кумушранг ва қора рангда мавжуд. 14 дюймли моделнинг батарея қуввати 18 соатгача, 16 дюймли модел 22 соатгача.
MacBook Pro М3 нархи $1599, 14 дюймли MacBook Pro M3 Pro $1999, 16 дюймлиси $2499 туради. М3 Мах'ли моделлар ноябрь ойидан кейин $3199 дан сотувга чиқарилади.
iMac
Тақдимотда янги М3 процессорлари асосидаги MacBook Pro'дан ташқари компания М3'да янгиланган 24 дюймли iMac’ларни ҳам тақдим этди.
Қурилмалар етти рангда (яшил, сариқ, тўқ сариқ, пушти, бинафша, кўк ва кумуш) мавжуд бўлиб, клавиатура (Touch ID’ли ёки сенсорсиз Magic Keyboard) ва мос рангдаги сичқонча билан бирга келади.
iMac 500 нит ёрқинликка эга Retina 4,5К дисплей, FaceTime XD 1080p камера, Spatial Audio ва Dolby Atmos'ни қўллаб-қувватловчи олтита динамик ва учта “студио сифатидаги” микрофони билан жиҳозланган.
iMac Wi-Fi 6Е ва Bluetooth 5.3 ни қўллаб-қувватлайди. Баъзи моделлар Gigabit Ethernet стандартини қўллаб-қувватлайди.
Саккиз ядроли М3 протсессори 10 тагача график ядрога эга бўлиши мумкин, шунингдек, 24 Гб гача оператив хотира ва 2 ТБ гача ички хотирани қўллаб-қувватлайди. Аппле янгиланган iMac М1 iMac'дан икки баравар тезроқ эканлигини айтди.
Янгиланган Macbook Pro нархи $1599, iMac нархи эса $1299 дан бошланади.
